PPk bultzatutako hasierako usteek eta ondorengo gezurrek ondorio larriak izan zituzten espetxeetan. Izan ere, euskal preso eta senideek une gogorrak bizi izan zituzten atentatuen osteko lehen orduetan. Alcala-Meco, Brieva eta Villenako kartzeletan zeuden neskek jipoiak, mehatxuak eta eskubide murrizketak jasan zituzten. Berdin Alcalako gizonezko presoek ere. Gerora, zenbait preso sozialek aitortu zutenez, erasoak lasai egiteko esan zieten funtzionarioek, edozer gertatuta ere ez zituztela zigortuko. Puerto I espetxera bisitan zihoazen senideek ere erasoak salatu zituzten. Horretaz gain, bisitak ukatu zizkieten 87 presori eta beste hainbat bakartze ziegetan sartu zituzten.
Euskal presoak, mendeku gosearen biktima
Iruzkinak
Ez dago iruzkinik
Ordenatu
