"Ez da hasiera ona izan, eta bere hitzek kezka sortzen dute", dio Jaurlaritzako Justizia sailak

Eusko Jaurlaritzako Justizia sailaren iturriek berri agentziei jakinarazi diotenez, Fernando Ruiz Piñeiroren "hasiera ez ona izan bere agintaldirako, eta bere hitzek kezka sortzen dute". Justizia sailak ez ditu begi onez hartu EAEko Justizia Auzitegi Nagusiko presidenteak esanikoak, "Auzitegi horretako buru izan behar duenak jakin behar baitu EAEn bi hizkuntza ofizial daudela, eta Justizia administrazioa herriari eskaintzen zaion zerbitzu publiko bat da, eta harremanak euskaraz zein erdaraz egiteko eskubidea dute", zehaztu dute.