Jose Luis Rodriguez Zapatero Espainiako Gobernuko presidentearen ustez, Frantziako poliziaren hilketaren ondoren ezker abertzaleak ETAri "prozesu demokratikoarekiko konpromiso argi eta zehatzak" hartzeko eskatu izana "ez da nahikoa eta koldarra da. 'ETA kanpora' eta 'indarkeriarik ez' esandakoan baizik ez ditu gizarteak entzungo".
Sektore politiko horrek hori berehala egin beharko lukeela esan du Zapaterok; "ez dute behar eztabaida gehiagorik, adierazpen gehiagorik". Ezker abertzaleak Zutik Euskal Herria adierazpenean dio "soilik bide politiko eta demokratikoetatik eta inolako indarkeriarik gabe garatu" dela prozesua.
Sevillan (Espainia) egin ditu adierazpenok Espainiako gobernuburuak, eta asteartean poliziaren aldeko hileta elizkizunean izango dela berretsi du.
Ezker abertzaleak ETAri egindako eskaera ez dela nahikoa uste du Zapaterok
Iruzkinak
Ez dago iruzkinik
Ordenatu
