Ezker abertzaleak ez du NaBairekin bilera egiteko erantzunik jaso

Nafarroan maiatzeko hauteskundeetarako indar metaketa lortze aldera, ezker abertzaleak duela egun batzuk Nafarroa Baiko eragile denekin bilera egin nahi duela zioen, baina oraindik ez dute egin. BERRIA.INFOk dakienez, atzorako ipini zuten eguna, baina ez ziren bildu. EA prest azaldu da batzarra egiteko, Aralar ere bai. EAJ eta independenteak ez. Dena dela, EAk uste du Aralarrek ere ez duela ezker abertzalearekin halako bilerarik egin nahi orain.