Frantziako Gobernuaren iritziz, "albiste txarra" da ETAk su-eten iraunkorra bukatu duela adierazi izana, eta "terrorismoa bukatu arteko erabateko babesa" eskaini dio Espainiakoari, "hori delako bide bakarra". Hala esan du gaur Jean Baptiste Mattei Kanpo Harremanetarako Ministerioko bozeramaileak.
Abenduaren 30ean ETAk Madrilen atentatua egin zuela gogoratu du Matteik, "eta agiri honek su-etena hautsita zegoela egiaztatu baino ez du egin".
Aurrez, David Martinon Gobernuaren bozeramaileak ere hitz egin du erakunde armatuaren erabakiaz, "eta ETAren gaia, Espainiakoa" dela esan du, baina "frantziar funtzionarioak, poliziak eta epaileak lanean" dauzkatela ere adierazi du.
Frantziak "terrorismoa bukatu arteko erabateko babesa" eskaini dio Espainiari
Iruzkinak
Ez dago iruzkinik
Ordenatu
