ETAk dei zuzena egin dio gaur Frantziako Gobernuari "Euskal Herriarekin bizi duen gatazkari elkarrizketaren eta negoziazioaren bidetik aterabidea emateko jarrera eta borondatea erakuts dezan". Euskal Irratiek gaur eman duten albiste horren aurrean, Frantziako Gobernuak berretsi egin du Espainiako Gobernuak Frantziaren babes osoa duela. Hala ere, azpimarratu du Espainiari dagokiola "irtenbide politikoa" bilatzea. Horrela adierazi zuen Dominique de Villepin Frantziako Lehen ministroak joan den martxoaren 13an Madrilen izan zenean.
Frantziako Atzerri Ministerioak honakoa adierazi du: "Frantziako Gobernuak Espainiako Gobernuarekin lanean jarraituko du terrorismoari amaiera emateko helburuarekin". Frantziako Atzerri Ministerioak azpimarratu du bien elkarlana "eredugarria" izan dela ETAren ekintzen aurka.
ETAren agiria
Frantziaren ustez Espainiari dagokio "irtenbide politikoa" bilatzea
Iruzkinak
Ez dago iruzkinik
Ordenatu
