Gabriela Bravo CGPJ Espainiako Botere Judizialaren Kontseilu Nagusiko bozeramaileak ohartarazi du ETAk "hor jarraitzen duela", eta "zabaldutako aro berria ez dela amaituko ETA desagertu arte".
ETAk jardun armatuaren amaiera iragarri ondoren, "testuinguru berri bat" ireki dela onartu du. "Botere Judizialaren Kontseilua saiatzen ari da argitu gabeko atentaturik gera ez dadin, kondenatu gabeko erantzulerik gera ez dadin, eta kontuan hartu gabeko biktimarik gera ez dadin", esan du Bravok.
