David Pasarin-Gegunde Linares Galdakaoko PPko zinegotziak Barcenas auzia "argitu" artean alderdia uztea erabaki du, ohar baten bidez jakinarazi duenez.
Pasarin-Gegundek azaldu "mehatxu terroristari" aurre egiteko eta "demokrazia defenditzeko" sartu zela PPn, eta orain "noraezean" geratu dela Barcenas auziagatik. Haren ustez, herritarrak krisiagatik gaizki pasatzen ari diren garai hauetan, "alderdi politiko denek eredu" izan beharko lukete jokabidean. "Ea jarrera pertsonal batzuek hainbeste maite dudan alderdiari ez dioten eragiten", esan du PPko zinegotziak.
PPk bi zinegotzi lortu zituen Galdakaon 2011ko udal hauteskundeetan.
