Gasteizko gizonezko batek labanarekin eraso dio bikotekideari

E.D. 33 urteko gasteiztarra atxilotu eta espetxeratu egin dute bikotekideari bularraldean labana sartu diolakoan. Ertzaintzak gaur jakinarazi duenez, ostegunean gertatu zen erasoa, eta emakumezkoa Txagorritxuko Ospitalean ingresatu behar izan zuten bularrean zeukan zauriagatik.

Ertzaintzaren arabera, ostegunean 19.00ak aldera izan zen erasoa. Handik minutu batzuetara Guardia Zibilak eta Gasteizko udaltzainen deia jaso zuen Ertzaintzak, esanez gizonezko batek deitu zuela norbait hiltzen saiatu zela esanez.

Gizonezkoak agertutako lekura joan zen Ertzaintza, Gasteiz ondo-ondoan dagoen Ariñez herrira, eta han auto baten barruan bularraldetik odoletan zegoen emakume bat eta gizonezko bat aurkitu zituzten. Gizonezkoak odolarekin zikindutako laban bat zeukan. Hori ikusita, gizona atxilotu egin zuten eta emakumea erietxera eraman.