Donostiak Udalak adierazi du gatazkaren konponbidean baitan ulertzen duela Zinezi emandako diru laguntza eta gogorarazi du Aieteko konferentzian jasotako ebazpenean presoen gaia ondorioen atalean kokatzen dela.
"Gatazkaren konponbidean euskal jendarteak paper aktiboa jokatu nahi du; Konponbidearen parte izan nahi du. Hala ulertzen dugu 5 zinemagile euskaldun horien ekimena, erabat zilegi eta beharrezkoa den jarrera baten adierazle baita" azaldu du Bilduk ohar bidez.
Gainera PP, PSE eta EAJren "zentsura politikoa" salatu nahi du eta esan "ulertezina" zaiola konponbidean lagundu asmoz eman nahi diren urratsen kontra EAJ, PSOE eta PP agertzen ari diren jarrera "oldarkorra"; bereziki EAJren kasua azpimarratuz. "Beharrezkoak diren aurrerapausu eta konpromisoetaz urrun, gatazkaren konponbideari etengabeko trabak jartzen ari dira", dio koalizioak.
