Astelehenean Aurore Martin Batasunako kidearen aurkako euroaginduaren kontra Maulen abiatu zuten protesta gaur amaituko da, manifestazio batekin. Hiru egunez egon dira Herriko etxearen atarian kanpaturik hainbat lagun, Batasuna Frantzian legezkoa izanik, ezin dutela Espainiaratu aldarrikatuz. Euroaginduaren aurkako kolektiboak deitu du manifestaziora, eta Zuberoako hautetsiak, arduradun politiko eta sindikalak, eta elkarteak gonbidatu ditu manifestazioan parte hartzera.
