Gaur egun Batasunak hauteskundeetara aurkezteko aukerarik ez duela erantzun dio Rubalcabak

Alfredo Perez Rubalcaba Espainiako presidenteorde eta Barne ministroak "elkarrizketa osorik irakurri gabe" erantzun dio Otegiri. Haren hitzetan, ordea, "soilik titulua irakurrita", badaki Otegi oker dabilela. "Ez zaio Estatuari mintzatu behar, horrek bere tokia zein den oso garbi baitu. ETAri mintzatu behar zaio, horrek 'kutxatzen' baitu", esan du. Espainiako Gobernuari bere egitekoa egiten uzteko eskatu dio Otegiri: "Guk legea betearazi behar dugu, eta eurek, bete". Oraingoz Batasunak hauteskundeetara aurkezteko aukerarik ez duela erantzun dio Rubalcabak, "eta badakite hori". Gaineratu du ETA amaitzea ez dela hilabeteetako kontua.