Gaur jakin denez Erresuma Batuko soldaduek 20 irakiar hil zituzten atzo

Erresuma Batuko armadak esan duenez, soldaduen konboiak Amara hirira zihoazela eraso egin zioten, atzo, erresistentziako indarrek, eta soldaduek, "beraien burua babesteko" tiroekin erantzun zieten. Orduan, Erresuma Batuko soldaduen bigarren patruila bat erasotuei laguntzera abiatu zen, eta haiei ere eraso egin zieten irakiarrek, lehergailu batekin. Hirugarren eraso bat ere egon zen. Koalizioko indarrek esan dutenez, 20 irakiar hil eta bi soldadu britainiar zauritu ziren, orotara.