Gizon bat atxilotu dute Gasteizen emazteari tratu txarrak ematea egotzita

59 urteko gizonezko bat atxilotu zuen atzo Gasteizko Udaltzaingoak, emazteari tratu txarrak ematea leporatuta. Udaltzaingoak agertu duenez, bart gaueko hamarretarako minutu batzuk falta zirela Basoa kaleko etxebizitza batetik deia jaso zuten, gizon batek 53 urteko andreari tratu txarrak eman zizkiola esanez. Hara joan, eta gizonezkoa atxilotu zuten. Beste xehetasunik ez du eman Udaltzaingoak.