Ertzaintzak 54 urteko gizonezko bat atxilotu du Durangon (Bizkaia), hamasei urteko -adingabeko, beraz- neska bati sexu ukituak egin dizkiola egotzita. Treneko bagoi batean egin zion eraso, ertzainen arabera. Atxilotuak antzeko aurrekariak ditu lehendik.
Atzo arratsaldean izan zen ustezko gertaera, gaztetxoa Durango-Zaldibar bidaia egiten ari zenean bagoian bakarrik geratu zela. Gizonezkoa haren ondoan jarri zen Durangon, San Fausto geltokian igo ostean, eta izterraldea eta bularrak ukitu zizkion, Ertzaintzak esan duenez.
Neska jendea zegoen bagoi batera joan zen orduan, eta Zaldibarren jaitsi zen gero. Gertatutakoa etxean kontatu eta ertzain-etxera joan zen amarekin, parte sartzera.
JA.M.L. da atxilotutakoa, Durangokoa.
Gizonezko bat atxilotu dute Durangon, adingabeko neska bati sexu ukituak egin dizkiolakoan
Iruzkinak
Ez dago iruzkinik
Ordenatu
