Amnistiaren Aldeko Mugimenduak (AAM) salatu duenez, Guardia Zibilak Harkaitz Agote (Donostia) eta Andoni Otegi (Leaburu, Gipuzkoa) presoak jipoitu ditu lekualdatzeetan. Lehengo astean izan ziren gertaerak, eta AAMk "espetxe politika ankerraren adibide" bezala jo ditu.
Agote Huelvako (Espainia) espetxean dago destinaturik, eta Valdemorora (Espainia) eraman behar zuten diligentzia batzuetara. Bidaia bi egunetan eginarazi zioten, eta "bietan buruan kolpatu egon zuten, ostikadak eman zizkioten... Bi egunetan ez zioten jatekorik eman eta bidaia guztia eskuburdinez egin zuen. Behin eta berriz iraindu zuten". Ostiralean izan zen gertaera.
Otegi Valdemoron eduki dute diligentzietan eta lehengo ostegunean eraman behar zuten Caceresko (Espainia) espetxera. "Kartzelatik atera zutenean Guardia Zibilaren furgoneta baten aurka eduki zuten hogei minutuz eta buruan eta orkatilean behin eta berriz jo zuten".
Guardia Zibilak Harkaitz Agote eta Andoni Otegi presoak jipoitu dituela salatu dute
Iruzkinak
Ez dago iruzkinik
Ordenatu
