Gutxienez 20 hildako izan dira gaur Iraken atentatu suizida batean

Iraken 20 pertsona hil dira eta 22 zauritu atentatu suizida batean. Polizia iturriek jakitera eman dutenez, Al Muqdadiyako hiriko-Bagdad hiriburutik 65 kilometrora- polizia gunera sartu eta gorputzean zuen lehergailua eztandarazi du ekintzaile batek. Boluntario ugari Irakeko polizian sartzeko ilaran zegoen une horretan. Ekintzaileak ez du susmorik piztu polizien antzerako uniformearekin sartu baita.