PSE-EEk bezala, PPk osoko zuzenketa aurkeztu dio Jaurlaritzaren Estatutu proposamenari. Leopoldo Barreda legebiltzarkideak defenditu du PPren jarrera, eta esan du Gasteizko Gobernuaren ekimenak adierazten duela abertzaleek ez dutela euskal gizartearen pluraltasuna onartzen. "Abertzaleen porrota da, abertzaleek euskal gizartearen pluraltasuna onartzeko duten gaitasun ezaren isla", adierazi du.
Halaber, Ibarretxeren Plana "muturrekoa" dela nabarmendu du; hots, "independentziaren amildegiaren ertzeraino" daramatzala Araba, Bizkaia eta Gipuzkoako bizilagunak, eta aurrera ateratzeko "Batasuna-ETAren babesa" behar duela, "independentzia tiroka defenditzen dutenena".
Jaurlaritzaren Estatutu proposamena ez dela Espainiako eta Europako konstituzioekin bateragarria erantsi du Barredak, eta azpimarratu du "Europa eta Espainia bakearen eta askatasunaren" bermeak direla.
Jaurlaritzaren Estatutu proposamena
Ibarretxeren Plana abertzaleen "pluraltasuna onartzeko gaitasun ezaren" adierazbide da PPren iduriko
Iruzkinak
Ez dago iruzkinik
Ordenatu
