Ibarretxeren Plana erretiratzeko eskatu du PSE-EEk, gero "estatutuaren erreformari" ekiteko

Gernikako Estatutuaren erreforma eztabaidatzeko prest dagoela agertu du gaur PSE-EEko taldeak Eusko Legebiltzarrean egiten ari diren eztabaidan, baina baldintza argia ezarri du: debate horri heldu baino lehen Jaurlaritzak Estatutu Proposamena erretiratzea. Estatutuaren erreforma "Espainiako Konstituzioak ezarritako bideetatik" egin behar dela nabarmendu du Jesus Egiguren legebiltzarkide sozialistak.