Igor Anton (Euskaltel-Euskadi) etxean dago, Barakaldoko Gurutzetako ospitalean senda agiria jaso ondotik. Asteburuan ebakuntza egin zioten ukondoan. Larunbatean erorikoa izan zuen Espainiako Vueltan, eta osaketa etxean jarraituko du orain.
Hamalaugarren etapa bukatzeko zazpi kilometro falta zirela erori zen Anton, Peña Cabargara bidean. Ukondoa hautsi eta zauri gogorrak egin zituen, eta berehalakoan utzi zuen lasterketa. Sailkapen nagusiko liderra zen, eta bigarrenarekiko, Vincenzo Nibalirekiko (Liquigas), 45 segundoko aldea zeraman.
Galdakoztarrak bi etapa irabazi ditu aurtengo Vueltan, eta bortz egunez jantzi du liderraren elastiko gorria.
Igor Antonek senda agiria jaso du
Iruzkinak
Ez dago iruzkinik
Ordenatu
