Hartzekodunen konkurtsora joateko eskaera egin du Incasak, Fagorren mugimenduen ondorioz. Mungiako enpresaren bezero nagusietakoa zen Fagor, aluminiozko piezak egiten zituen harentzat, eta 1,2 milioi euro baino gehiago zor dizkio Fagorrek; jasoko ez dituen produktuen hainbat eskaera ere hortxe geratuko dira. Aurrekonkurtsoan zegoen, eta atzo eskatu zuen konkurtsoa. Hogeita bat langile kalean geratuko dira.
