EAJren zuzendaritza berritzeko prozesuan, irailaren 18an amaitzen da afiliatuek EBBko lehendakaritzarako hautagaiak propsoatzeko epea. Goizean epea gaur amaitzen zela zabaldu bada ere, informazio hori zuzendu egin dute EAJko iturriek.
Atzo zabaldu zenez, dagoeneko zenbait afiliatuk Josu Jon Imazen aldeko sinadurak bilduta zituzten. EBBko egungo presidenteak, ordea, ez dela aurkeztuko eta politika utziko duela iragarri zuen herenegun.
Afiliatuen txanda gaur amaitzeak, ordea, ez du esan nahi EBBko lehendakarigaiak aurkezteko epea amaitzen denik. Aitzitik, herri batzarrek beren proposamenak egiteko aukera dute urrian; hautagai izan nahi dutenek, gutxienez hiru herri batzarren babesa bildu behar dute. Duela 4 urteko hauteskundeetan, prozedura hori erabili zuen Imazek hautagaitza aurkezteko.
EAJk 32.000 afiliatu inguru ditu, horietatik 24.000 bat Bizkaian. Presidentetzarako proposatua izateko nahikoa dira ehun sinadura.
Irailaren 18an amaitzen da EAJko afiliatuek presidentetzarako hautagaiak aurkezteko epea
Iruzkinak
Ez dago iruzkinik
Ordenatu
