Itsasoa eta kostaldea astinduko dituen haize denboralea iragarri dute gaurko eta biharko

Eusko Jaurlaritzako Herrizaingo Sailak haize denboralea iragarri du gaurko eta biharko. Bereziki arriskutsua izango da itsasoan eta kostaldean; izan ere, 100 kilometro/ordutik gorako haize boladak eta bederatzi metrorainoko olatuak espero dira.

Euskalmet Euskal Meteorologia Zerbitzuak olatuen altuera adierazgarriena bost metro ingurukoa izatea espero du gaurko, baina arratsaldean zazpi eta zortzi metro inguruko olatuak izango dira. Bihar goizean, olatuen altuera berdin ibiliko da, eta sei eta zazpi metrora jaitsiko da goizean. Halaber, gaur hego-mendebaldeko haizea ibiliko da, moderatua, indartsua tarteka.

Iragarpen horren aurrean, Herrizaingo Sailak kontuz ibiltzeko eskatu die herritarrei, bereziki kostaldean eta itsasoan.