Autogobernurako lantaldean txostenak aurkezten ari dira legebiltzarreko taldeak, baina ez du hala egingo Eusko Jaurlaritzak. Josu Erkoreka Jaurlaritzako bozeramailearen esanetan, hori egitea Jaurlaritzari "ez dagokion eremu batean sartzea" izango litzateke.
"Autogobernuaren inguruan taldeek beren proposamenak aurkezteko unea da", azaldu du Erkorekak, EAJrena goretsiz; jeltzaleena proposamen "irekia eta errealista" dela nabarmendu du, eta "akordio barneratzaile" bat lortzeko "elkarrizketarako eskaintza" proposatzen duela.
