Jaurlaritzaren inkestaren arabera, EAJk irabaziko lituzke hauteskundeak eta PSE-EE legebiltzarkide batera luke

Eusko Jaurlaritzak otsailaren 5etik 16ra artean 3.332 herritarri egindako inkestaren arabera, EAJk irabaziko lituzke martxoaren 1ean Eusko Legebiltzarrerako hauteskundeak, 27 diputatu lortuta (azken legealdian 22 eduki ditu). PSE-EEk bukatuko luke bigarren, 26 legebiltzarkiderekin (+8).

EAJ-EA-EA Jaurlaritzako hirukoak 34 diputatu lituzke; gehiengo osotik laura legoke, beraz. EAk 4 lituzke (-3) eta EBk 3 (berdin). Aralarrek, berriz, 2 (+1).

PPk 13 legebiltzarkide eskuratuko ditu (-2), inkestaren arabera. PSE-EEk eta biek, ondorioz, 39 lituzkete, gehiengo osoa. UPyDri ez dio eserlekurik ematen inkestak.

Herrialdeka, PSE-EE litzateke irabazle Araban eta Gipuzkoan, eta EAJ Bizkaian.

D3Mren botoak baliogabe bezala jo ditu Jaurlaritzak. Honen inkestak dioenez, hautesle plataforma hark Gipuzkoan %15 lortuko luke, Bizkaian %8 eta Araban %7. 2005eko bozetan EHAK-k 9 eserleku lortu zituen, botoen %12,4.