Jorratu dituen beste gai batzuk

Hauek dira Obama AEBetako presidenteak bere agerraldian jorratutako beste gai batzuk:

Ekialde Hurbila

"Gure agintaldian Ekialde Hurbilean bakea lortzea zaila izango da, lehen bezain gaitza, baina lehen bezain beharrezkoa. Gaurko egoera jasanezina da. George Mitchelli eman diogu han lan egiteko zeregina, eta horrek bake iraunkorra eta Israelgo eta Palestinako estatuen bizikidetza erdiesteko konpromisoa dugula esan nahi du".

Afganistan

"Estrategia koordinatua eta eraginkorra behar dugu Afganistanen. Han zer egin aztertzen ari gara. Al Kaedaren mehatxua hor dago oraindik, eta AEBen zeregina haien aurka egitea da".

Enbrioietako zelula amak

"Jakinarazia dugun bezala, enbrioietako zelula amekin ikertzea finantzatuko dugu, erabaki zuzena baita. Aitortzen dut, dena den, alderdi barruan irizpide etikoez ezbaian aritu naizela. Nik uste dut etikoa dela hartu dugun erabakia".

Herritarrekin harremanak

Herritarren galderak erantzungo ditu bihar Obamak, Internet bidez. Whitehouse.gov atarian Open for Questions atalean egin ditzakete itaunak. "Gardentasuna" lortu nahi du Etxe Zuriak.