'Jukos auziko' egun esanguratsuak

•1989. Mikhail Jodorkovskik Menatep bankua sortu zuen, Sobietar Batasuneko lehenengotariko banku pribatua. Perestroikaren aroa zen.

•1996. Errusiako Gobernuak Jukos petrolio enpresa pribatizatu zuen. Bi bilioi euro baino gehiagoko zorra zuen orduan. Jodorkovskiren taldeak hartu zuen enpresaren kontrola, 270 milioi euro inguru ordainduta. 2003rako, Jukosen produkzioa 34 milioi tona metrikotatik 80 milioitara hazi zen.

•2003. Errusiako zerbitzu sekretuek Jodorkosvski atxilotu zuten Novosibirskeko aireportuan, Siberian. Iruzurra eta zergak saihestea egotzi zioten.

•2005. Jodorkovskiri eta Platon Lebedev kideari zortzina urteko espetxe zigorra ezarri zien Moskuko auzitegi batek.

•2007. Baldintzapeko askatasuna ukatu zioten Jodorkovskiri.

•2010. Moskuko auzitegi batek, lapurreta eta diru garbiketa egiteagatik, erruduntzat jo zituen Jodorkovski eta Lebedev.