Karrera: “Komunikaturik onena eta denok desio duguna, ETAk indarkeria uzten duela dioena da”

Antton Karrera EB-IUko bozeramalearen iritziz, “komunikaturik onena eta denok desio duguna, ETAk indarkeria uzten duela dioena da”. Karreraren ustez, erakunde armatuak pasa den abenduan zabaldutako komunikatua “errepikatu egin du eta horrekin presioa egin nahi du alderdi abertzaleen arteko akordio bat errazteko”. Beretzat, aldiz, ETAren komunikatuek, “erraztu beharrean, kalte egiten diete balizko akordioei”. Ezker Batuko militanteak berretsi duenez, “ETAk azken komunikatu bat egin beharko luke borroka armatua uzten duela esaten”.