Astearte goizean irtengo da Logroñoko espetxetik Arnaldo Otegi, eta egunaren jarraipen berezia egingo du BERRIAk. 08:00etatik, espetxeko irteera zuzeneko irudiekin ikusi ahal izango da BERRIAren webgunean, BerriaTB-ren saio berezi batean. Horrez gain, zuzeneko kontakizuna egingo du kazeta honek webgunean eta sare sozialetan, eta irteeraren kronika eta bideoak jasoko ditu espetxe ataritik.
18:30ean, ongietorri ekitaldia egingo diote Otegiri Elgoibarren (Gipuzkoa), eta horren berri ere zuzenean emango du BERRIAk. Larunbatean Anoetako belodromoan egingo dioten ekitaldia ere zuzenean ikusgai izango da.
.@ArnaldoOtegi-ren kartzela irteera, zuzenean BERRIAn https://t.co/jPeQs6UxsLpic.twitter.com/ifXUnks2mY
— Berria.eus (@berria) 2016(e)ko otsailak 29
