Kutxa automatiko bati su eman diote Astigarragan

Jaurlaritzako Herrizaingo Sailaren arabera, molotov koktelekin egin diote eraso, eta erabat kiskalita geratu da.

Aipatutako iturriaren arabera, bart gaueko hamaiketan gertatu da erasoa: Astigarragako (Gipuzkoa) Pelotari kalean Kutxak duen bulegoko kutxa automatikoari molotov koktelak jaurti dizkiote, eta su hartu du. Suhiltzaileek itzali dituzte garrak, baina ordurako kutxa automatikoa kiskalita zegoen. Bulegoa ere kaltetu du suak, baina eraikineko bizilagunak aterarazi beharrik ez da izan.