LAB sindikatuko idazkari nagusi Rafa Diezek alderdi politikoei eskatu die herritarren borondatea errespetatzeko. "Demokraziaz hainbeste mintzo diren alderdiei” galdegin die heldu den igandeko hauteskundeetan eta erakundeak osatzean “boz guztiek balio berdina dutela gogoratzea”.
Donostian sindikatu abertzaleak egin duen elkarretaratzean Antxon Gomez EAE-ANVko idazkari nagusiak hartu du parte. Gomezen esanetan, Hego Euskal Herrian bakarrik gertatuko da Europako Mendebaldean gizarteak ordezkari batzuk hautatzen dituela eta erakundeek bestelako irudi bat agertzen dutela.
“Ezker abertzalea legez kanpo uzteko hainbeste ahalegin egiten duten alderdiak eta konplizitatearen bitartez haien alde egin dutenak” herritarrek datorren igandean legez kanpo utziko dituztela esan du Gomezek. “Demokrazian egin daitekeen modu bakarrean”, argitu du: “boza ez emanda".
LABek herritarren borondatea errespetatzeko eskatu die alderdiei
Ezker abertzaleko hautagaitzen ilegalizazioaren aurka LABek Donostian egin duen elkarretaratzean Rafa Diez sindikatuko idazkari nagusia eta EAE-ANVko idazkari nagusi Antxon Gomez izan dira.
Iruzkinak
Ez dago iruzkinik
Ordenatu
