LABen eta Sorturen atxikimendua larunbateko manifestazioari

Ezker abertzalearen legeztatzea eskatzeko larunbat honetan Bilbon Bakerantz, legalizazioa lelopean egingo den manifestazioari sostengua adierazi dio LAB sindikatuak. "Bake bidean lehentasunezkoa dugu normalizazio politikoa lortzea, aukera politiko guztiek lehia politikoan baldintza beraietan jarduteko eskubidea bermatzea. Parte-hartze politikorako eskubidea premiazko exijentzia da, ezinbestekoa, ireki den bide berri honetan aurrera egiteko", dio LABek.

Sortu alderdi politiko berriak ere atxikimendua agertu du.

17:30ean hasiko da martxa, Casillatik. Lehengo larunbatean deitu zuten manifestaziora Euskal Herriko hainbat lagun ezagunek.