Lau erronka Lapurdi, Nafarroa Beherea eta Zuberoara begira

Hitzarmenaren arabera, Eusko Jaurlaritzak eta Euskararen Erakunde Publikoak lau erronka dituzte Lapurdi, Nafarroa Beherea eta Zuberoara begira.

1. Euskararen transmisioa. Erronka horrek adin guztietako hiztunen kopurua handitu nahi du eta, ondorioz, aurreko urteetan inkesta soziolinguistikoek agerian jarri duen bilakaera aldatu.

2. Hizkuntzaren presentzia eta erabilerari dagokion erronka. Euskararen presentzia garatu nahi da bizitza sozial publiko zein pribatuaren alor guztietan, hizkuntza gehiago ikusia eta entzuna izan dadin, dinamika berri bat sortzeko hiztunek euskara gehiago balia dezaten, eta hizkuntzak urratsez urrats bere komunikazio funtzioa berriz ere eskura dezan edo irabaz dezan.

3. Hizkuntzaren kalitatea. Euskararen kalitatea zaindu eta areagotu nahi da, ahoz eta idatziz, erabilera publiko zein pribatuko esparru ezberdinetan.

4. Hitzarmenak helburu hauek ditu: euskararen aldeko jarrera bultzatzea, gizartearen atxikimendua azkartzea, aurreko beste lan-sail guztietan eraginkorragoak izateko gisan.