Nafarroako foruzainek 41 urteko gizonezko bat atxilotu zuten igandean Berriozarren, emazteari eraso fisikoa egin ziola leporatuta. Horretaz gain, adingabeko semea mehatxatu egin zuen labana batekin, foruzainek diotenez. Emakumeak kontatu du semeak leiho batetik saltatu egin behar izan zuela erasorik ez jasotzeko. Ihesean ez zen zauritu.
Astelehenean Berriozarren bertan beste gizonezko bat atzeman zuten -34 urtekoa-, bikotekide ohia jo egin zuelako ustez.
Atarrabian eta Barañainen ere atxilotu dituzte bi gizonezko azkeneko egunetan, 41 eta 40 urtekoak hurrenez hurren, bikotekideei eraso egitea egotzita.
Lau gizonezko atxilotu dituzte Berriozarren, Atarrabian eta Barañainen, bikotekideak jo dituztelakoan
Iruzkinak
Ez dago iruzkinik
Ordenatu
