Kontseiluaren ustez, Nafarroako Euskararen Legea indargabetu behar da euskaldunen eskubideak errespetatuko badira: "Legea bera traba da euskaraz bizi ahal izateko". Horregatik, lege hori indarkabetu eta "lege berriak, egokiak" egiteko eskatu dio Nafarroako Gobernuari; "Euskaldunoi euskaraz bizitzea ahalbidetuko diguten legeak".
Baztandarrak euskaraz bizi direla, eta haien eskubideak errespetatzea administrazioari dagokiola azpimarratu du Kontseiluak.
"Horrelako erabakiekin euskaldunoi duintasuna kendu nahi digute. Guk, ordea, gure eskubideak defendatzeko irmotasunari eutsiko diogu", azpimarratu du. Hala, ekainaren 4an Iruñean Euskaraz bizi nahi dugu lelopean egingo den manifestaziora joateko deia egin du Kontseiluak.
