Azpiegituretan eta pertsonengan izan duen eraginaz gain, Burtsan ere eragin handia izan du Japonian jazo den lurrikarak eta ondorengo tsunamiak. Tokioko Nikkei indizeak nabarmen egin du behera -179,95 puntu-, eta azken bost asteetako maila baxuenean dago orain.
Tokioren beherakadak, Asiako gainontzeko merkatuen beherakada ekarri du. Ondorioz, Seuleko, Shanghaiko, Hong Kongeko, Singapureko, Malasiako eta Bangkokeko merkatuek galerak izan dituzte.
Lurrikarak ez du eraginik izan, oraingoz, Europako burtsetan, baina aseguru konpainietan eragin handia izango duela aurreikusten da. Segurantzak ordainduta dituzten ondasunei konpentsazio handiak ordaindu beharko dizkiete erakunde horiek.
