MANIFESTUA: 'Nazio bat garelako, ofizialtasuna!'

Honako aldarrikapen manifestatua irakurri dute futbolariek:

Ofizialtasuna: «Gure helburua da Nazioarteko Futbol Federazioko (FIFA) kide izatea lortu eta Euskal Herriko selekzioak nazioarteko txapelketa ofizialetan herri gisa parte hartzeko aukera izatea».

Nazioa: «Nazio bat garelako dagokigu nazioarteko txapelketa ofizialetan parte hartzeko aukera izatea.

Zailtasunak: «Badakigu helburua lortzeko egiten ari garen bide honetan zailtasunak daudela, oztopo legalak besteak beste».

Borondatea: «Badago bereziki kezkatzen gaituen zerbait: kanpotik jartzen dizkiguten aitzakipean edo, geure buruari mugak jartzen ari ote garen sentsazioa sortzen zaigu sarritan. Zentzu horretan, Euskadiko Futbol Federazioak daraman lan ildoarekin ez gaude erabat ados».

Zuzentzekoak: «Federazioak partidak aurkezteko egiten dituen agerraldietan selekzioari izaera autonomikoa emanaz ‘Euskadi’ erabili ordez ‘Euskal Herria’ erabiltzea».

Oharra: «Zelaiko lanari bulegoetako eta beste esparruetako lana gehituko zaionaren itxaropena dugu, bestela, partidak jokatzen jarraitzeak ez luke zentzurik».