Juan Mari Olano Askatasuneko buruzagia eta Juan Joxe Petrikorena Batasunekoa espetxeratzeko Grande Marlaska epailearen erabakia kritikatu du Ramon Etxezarreta Donostiako Udaleko PSE-EEko zinegotziak. Etxezarretaren iduriko, ulertezina da greba egun baten harira inor espetxean sartzea, eta protesta egun horretan gertatu ahal izan diren indarkeriazko ekintzen errudun grebaren deitzaileak egitea.
Euskadi Irratiko politikarien solasaldian egin ditu adierazpen horiek Etxezarretak: "Ez dakit nola froga daitekeen grebak deitzea delitu egite bat dela", agertu du. "Eta ikaragarria da egun horretan gertatu ziren bortxa gertaerak greba deitzaileen kargu izatea, eta greba deitzaileak izatea errudun. Hori guztia ezer izatekoetan arraroa da".
Martxoaren 9ko grebaren ondorioz ezker abertzaleko buruzagiak kartzelatzea ez du ulertzen Ramon Etxezarretak
Iruzkinak
Ez dago iruzkinik
Ordenatu
