Miren Edurne Gorrotxategi Azurmendi (Abadiño, Bizkaia, 1967) Zuzenbide Politikoan doktorea da, eta 1992tik Konstituzio Zuzenbideko irakaslea EHU Euskal Herriko Unibertsitatean. Arlo akademikoan, hainbat liburutan parte hartu du, eta artikulu ugari ere idatzi ditu. Batez ere, estatu ereduari eta berdintasunari loturiko gaiak ikertu ditu.
Horrez gainera, Ahal Dugu-ko kidea da, eta 2015ean senatari hautatu zuten Bizkaiko zerrendan. Hurrengo urtean, Espainiako Gorteetarako hauteskundeak berriro egin zituzten, eta ostera ere hautatu zuten senatari, eta gaur egun ardura horretan dirau. Senatuko presidente izateko hautagaia ere izan zen.
