Abbas Araqchi Irango atzerri ministerioko bozeramaileak adierazi duenez, "onartezina" da armadaren bidez Egiptoko presidente Mohamed Mursi kargutik kentzea, eta nabarmendu du bai Israelek bai mendebaldeko estatuek ez zutela nahi Egipto indartsu egon dadin.
Ezeren gainetik, garrantzitsuena egiptoarren helburuak kontuan hartzea dela uste du Araqchik. Mursi estatuburu izendatu zutenetik, Irango gobernua Egiptorekin harremana sendotzen saiatu da, nahiz eta Siriako gatazkan bien jarrerak desberdinak izan. 2011ean Hosni Mubarak kargutik kentzea ospatu zuen Iranek, eta "esnatze islamiko" deitu zion gertakari horri.
