NEBren ustez, gizartean zatiketa eragin nahi du Sanzek eta hori "oso larria" da

Ion Erro NEBren parlamentuko taldearen bozeramaileak zatiketa gogoa sumatu dio Miguel Sanz UPNko hautagaiari gaurko diskurtsoan; zatiketa ezarri du Nafarroako alderdien artean -konstituzionalisten eta abertzaleen artean-, eta, gainera, zatiketa hori gizartera eraman nahi du. "Aldiz, Nafarroako herritarrek elkarbizitzarako gobernua eskatu zuten, eta plurala dela onartzen duten politikak egitea". Horregatik guztiagatik, "oso larria" da NEBren iduriko Sanzek gaur zabaldu duen mezua.