Obus bat lehertu da Bagdaden, Atzerri Ministerioaren ondoan

Obus batek leherketa handia eragin du Bagdadeko eremu berdean , hau da, Irakeko behin-behineko Gobernuaren egoitzak nahiz AEBetako eta Erresuma Batuko enbaxadak dauden inguruan. Hala ere, oraingoz ez dut esan biktimarik izan denetz.

Zehazki, Atzerri Ministerioaren ondoan lehertu da obusa, eta, halaber, handik urre dago Irakeko Konferentzia Nazionala igandeaz geroztik batzarra egiten ari den egoitza. 1.300 ordezkari ari dira bilera horretan parte hartzen, eta obusa lehertu denean eten egin dute bilkura minutu batzuz.

Atzo lau obus zartarazi zituzten inguru berean, eta gutxienez zazpi lagun hil ziren.