Ospakizunak

Gaur (igandea)

- Goizean. Puzgarriak Donostian, Anoeta estadio inguruan.

- Eguerditik aurrera. Anoetako atariko karpan, musika, jatekoa eta edaria egongo dira jarraitzaileentzat.

- 15:30. Jarraitzaileen kalejira, Bulebarretik abiatuta estadiora.

- 16:30. Realeko jokalariei harrera egingo diete zaleek estadioko 29. ate parean.

- 18:00. Reala-Celta partidaren hasiera. Mediapro enpresak baimena ematen badu -harenak dira irudi eskubideak-, estadio kanpoan jarritako pantaila erraldoian ikusi ahal izango da neurketa.

- 20:00. Realak igoera lortzen badu, Anoetako zelaian bideo bat jarriko du klubak, jokalariek eta entrenatzaileak hitzaldiak egingo dituzte, su-festak izango dira...

Donostiako tabernak ohi baino bi ordu beranduago itxiko dituzte.

Bihar (astelehena)

- 17:30. Anoeta estadiotik Realaren autobusa aterako da: jokalariekin, entrenatzaileekin... Ibilbidea: Madril etorbidea, Pio XII.a, Easo kalea, San Martin kalea, Foruen ibilbidea, bulebarrak, udaletxea.

- 19:00. Udaletxean harrera, eta jokalariak-eta balkoira irtengo dira.

- 20:00. Gipuzkoako Diputazioan harrera, eta jokalariak-eta 20:30ean balkoira aterako dira.

Etzi (asteartea)

- Arantzazura. Realeko kideak Arantzazura (Oñati) joango dira autobusean, eta Gipuzkoako hainbat herritik pasatuko dira. Klubak oraindik ez ditu ibilbidea eta ordutegia zehaztuta.