EH Bilduko kide Pernando Barrena, Marian Beitialarrangoitia, Unai Ziarreta, Joseba Gezuraga, Rebeka Ubera, Dani Maeztu, Amaia Agirresarobe eta Arturo Muñoz-ek Logroñoko espetxe zuzendariari eskutitza idatzi diote Arnaldo Otegiri ezarritako zigorra kentzeko eskatuz.
Gutunean eskatu diote Arnaldo Otegiri "irekitako espedientea artxibatzeko eta bere aurka ezarritako inkomunikazio neurriak bertan behera uzteko". Koalizioko kide bat eskutitza entregatzera joan da espetxera, baina zuzendariak uko egin dio jasotzeari eta posta bidez helaraziko diotela azaldu dute.
