Pello Urizar: "Pisu handia zeukan EAn"

Pello Urizar EAko idazkari nagusiak adierazi du Sabin Intxaurragak "betidanik pisu handia" izan duela euren alderdi politikoan, eta, adibidez, EAren sortzaileetakoa izan zela gogoratu du. "Beti ekarpenak egiten zebilen eta azken unera arte lanean ibili da, baita erietxean gaizki zegoela ere", esan du Urizarrrek gaur goizean Euskadi Irratian. "Pasioz beteta bizi zituen gauzak".

Ezkerreko abertzaleen indar metaketaren alde jardun du azken urteetan Intxaurragak, eta EAko idazkari nagusiak azaldu du Euskal Herriko eragile batzuk horren bila ari direla-eta hark ez duela ikusiko "errealitate berria". "Pena ematen digu horrek".