Pertsona bat zendu da Tafallan, auto batek eta kamioi batek izan duten istripuan

Errepide istripu larria gertatu da gaur 08:25ean NA-6140 errepideko lehen kilometroan, Tafalla (Nafarroa) parean: izotzaren ondorioz, auto batek eta kamioi batek elkar jo dute, eta pertsona bat hil da. Beste bat larri zaurituta dago.

Autoko gidaria da hil dena, gizonezkoa: A.I.E. (31 urte), Miranda-Argakoa (Nafarroa). Istripuaren unean bertan zendu da. Zauritutako laguna, berriz, haren emaztea da: E.G.C., (30 urte). Kamioiko gidariak ez du zauririk izan (C.A.A., 31 urte, Tafalla).