Aparteko istilurik ez da izan Bruselan partida hasi aurretik. Tentsioa bai, ordea. Poliziak 36 ultra atxilotu ditu gaur arratsaldean, Athleticeko zaleak autobusean iragotzekoak ziren gunera sartzen ahalegindu direnean. Ehun ultra inguru batu dira, eta Poliziak sakabanatu egin ditu guztiak. Arratsaldeko 16:00etatik egon dira bilduta, SMS bidez deialdia zabalduta. Ordea, Athleticeko zaleak babestuta izan ditu uneoro Poliziak.
Athleticek hamar autobus jarri ditu zaleak hoteletik futbol zelaira eramateko, eta partida amaitzean ere hala egingo du. Autobusen ibilbidea Poliziak babestu du, eta ez da istilurik izan.
Atzo Athleticen bi jarraitzaileri eraso zieten Bruselan. Fernando Garcia Makua presidenteak agertu duenez, atzo gaueko hamarrak aldera Anderlechteko ikurrik ez zeraman jende talde batek kolpeka ekin zion bi jarraitzaile horien kontra, eta bietako bati sudurra hautsi zioten. Hala ere, Ahtleticen jarraitzaileekin Bruselara joandako ertzainen esku-hartzeari esker eta beste zale batzuek izandako jokabide egokiaren ondorioz liskarra horretan geratu zela azpimarratu du Makuak, "okerrera egin gabe".
Poliziak 36 ultra atxilotu ditu Bruselan, partida aurretik
Iruzkinak
Ez dago iruzkinik
Ordenatu
