Porrot egin dutela aitortu, eta IUko buruzagitza utziko duela iragarri du Llamazaresek

IUk gaurko hauteskundeetan izan dituen emaitzak txarrak direla onartu du Gaspar Llamazares alderdi horretako koordinatzaile nagusiak -5 diputatu izatetik 3 izatera igaro dira, eta botoen %3,92 eskuratu dituzte 2004an baino puntu bat gutxiago-. Areago, "porrot" egin dutela aitortu du Llamazaresek, eta emaitza txarren ardura bere gain hartuta, IUko buruzagitza utziko duela iragarri du. Zehazki, IUren hurrengo batzarrean ez dela koordinatzaile nagusi kargurako aurkeztuko jakinarazi du.