Prozesua

Langileak nagusiaren aurka -edo alderantziz- salaketa jarri ondoan, auziak hainbat urrats ukan ditzake:

Adostasuna. Liskarra adostasun bidez konpontzea da lehen helburua. Horretarako, langileen ordezkari batek eta nagusien beste batek osatzen duten adostasun bulegoaren aitzinean elkartzen dira.

Auzia.Bi aldeek ez badute adostasunik lortzen, auzia egiten da. Lau kontseilarik -nagusien eta langileen bina ordezkarik- osatzen duten epaimahaiak erabakitzen du auzia nola trenkatu.

Epaile profesionala. Epaimahaiak auzia ez duenean trenkatzen -bi epaile jarrera baten alde eta beste bi beste baten alde-, profesional batek trenkatzen du.

Helegitea. Auziaren erabakiaren kontrako helegitea aurkez daiteke Pauen.<