David Martinez Irungo PSE-EEko gazteen erakundeko kidea hil da Errenterian, istripu batean, alderdiak gaur jakinarazi duenez. Atzo arratsaldean izan zuen ezbeharra, A-8an, zazpi ibilgailuk talka eginda; harena zen autoetako bat. 27 urte zituen Martinezek.
Gaur PSEren Kongresura joateko asmoa zuen, Bilboko Euskaldunara. Biltzarraren hasieran minutu bateko isilunea gorde dute haren oroimenez.
2008an PSEko gazteen taldeko Gipuzkoako koordinatzaile hautatu zuten. Utzita zegoen postua. Irun-Hondarribiko agrupazioko kidea zen.
